Медеја

Еврипид е роден во 480 година, или според некои податоци 485 година пр.н.е. Роден е на островот Саламина, а умрел во дворецот на македонскиот крал Архелај во Пела, во 406 година пр.н.е. Тој напишал осумдесеттина трагедии, од кои зачувани се само седумнаесет: “Хекаба”, “Хиполит”, “Орест”, “Феничанки”, “Медеја”, “Алкестида”, “Андромаха”, “Ифигенија во Аулида”, “Ифигенија на Таурида”, “Тројанки”, “Прибегарки”, “Хераклида”, “Елена”, “Разбеснетиот Херакло”, “Бакхантии”, “Електра” и “Јон”, како и една сатирична игра “Киклоп”. Јазикот со кој пишува Еврипид е едноставен и убав, а и стилот провидно јасен. Трагедијата “Медеја” е меѓу најубавите Еврипидови остварувања , а во неа авторот ги изнел на убедлив  и потресен начин проблематиката на љубовта и моралната одговорност во бракот. Место каде што се одвива дејството е Коринт, а фабулата е втемелена на митот за Медеја и Јазон.