Песни (избор)

Поетот Никола Вапцаров (1909-1942) во 1928 година отпочнува со објавување на првите литературни обиди. Вапцаров остави најголеми траги во поезијата. Неговите две поетски збирки: Моторни песни (1940) и Антологија (издадена посмртно во 1946) го сочинуваат целиот поетски опус што тој ни го остави. Она што ја карактеризира поезијата на Вапцаров, бездруго е нејзиниот реализам и револуционерен романтизам. Ја има објавено и драмата Деветтиот бран која му претходи на поетскиот развој на Вапцаров. Таа всушност е ознака на походот на Вапцаров воопшто во литературата. Започната е некаде кој 1932-33 година, а завршена во 1935, но, тој не доживеал да ја види поставена на сцената. Името на Вапцаров до денес се има појавено на четириесет и пет јазици во светот.