Сид

Пјер Корнеј е роден во Руан, Франција 1606 година, а умрел во Париз 1684 година. Се смета за основоположник на француската класична трагедија. Иако зад себе остава обемно дело, тој сепак не се откажува од својот адвокатски занает и своите граѓански привилегии и ренти. Неговата прва трагедија Медеја се појавува во 1635 година, а Сид во 1637 година. Сид е трагикомедија, чија појава е широко примена од публиката, но остро осудувана од критиката. И самиот наслов: Сид, упатува на изворот од кој Корнеј ја црпи својата инспирација. Сид на шпански јазик значи господар, кнез, шпански народен јунак кој се одликувал во борбата против шпанските Маври. Постои и вистински лик, а тоа Ruy Diaz de Bivak, кастилијански благородник и војвода, кој живеел во втората половина на XI век. Неговите јуначки дела и денес се присутни во шпанската фолклорна митологија. Дејствието во Сид трае 36 часа поради опсежноста на настаните, а наречена е трагикомедија поради среќниот крај – брак по наредба на кралот, иако Сид во двобој го убива таткото на Химена – грофот де Гормас.