Сонот на летната ноќ

Сонот на летната ноќ е една од најмногу  играните и најгледаните комедии на Шекспир. Градбата на Сонот на летната ноќ е најслободна што може да се замисли: комбинација на старогрчка и германска митологија, класичен херојски и средновековен романтичарски дух, крут академизам и најраспуштен популарен традиционализам. Сето тоа провејува во оваа чудесна комедија. Една врвна, суверена ведрина на мечтата, едно изобилство на весела слобода, слобода да се биде весел, да се насмее на се, па и на самиот себеси -  тоа се проткајува низ целата комедија. И токму на таа комична нота, Шекспир ја прикажал љубовта – главната тема на оваа драма во нејзината најкобна, поправо трагична сила, не само човечка и земска, туку и божествена и космичка...