Чичко Горио

Балзак е роден на 11 мај 1799 година во Тур (Франција). Негови најпознати дела се “Евгенија Гранде”, “Барање на апсолутното”, “Чичко Горио”, “Изгубени илузии” и многу други. Како што се множече делата на Балазак, така во него созреала генијалната идеја своите романи да ги обедини во една целина која би била посветена на проучувањето на современите карактери, која ја нарекол “Човечка комедија”. 
Секој роман е засебна целина, но сите ги обединува времето, поднебјето, менталитетот, личностите…

Романот “Чичко Горио” (1833) е едно од најславните дела на овој писател. Балзак го обележува времето на големиот подем на буржоазијата и нејзината филозофија на животот. Моќта на парите е основна движечка сила на целокупното дејствување и стил на животот. Оттука и овој роман е трогателна приказна за семејството и времето кое силно ги дехуманизира некои од темелните човечки потреби. Приказната за занесите и успесите е сторија за општествениот подем и неговата цена. “Чичко Горио” е ремек дело, кое вечно им се спротивставува на вкусовите и модата. Затоа, овој роман ќе остане најпознато и најчитано дело на Балзак.