Ревизор

Комедијата Ревизор го прославила Николај В. Гогољ и како голем комедиограф, а тоа дело, иако во чист руски дух, се игра и денес на многу светски сцени, што најдобро ја покажува трајноста на проблемот со кој се занимава и неминливата вредност и модерноста на формата во која е изразен. Преку сатирата и хуморот упатени на провинцискиот чиновнички апарат, во суштина, се исмева целокупниот бирократски – чиновнички поредок во тогашна Русија. Премиерата на Ревизор е одржана на 1 мај 1863 година, и на неа присуствувал и самиот руски цар Николај. Царот Николај убаво се забавувал на премиерата, а потоа рекол: “Тоа е претстава! Секој си го доби своето, а јас најмногу.” Мнозина монархиски идеолози на тогашна Русија во Ревизор ја согледале мрачната страна на една жална состојба, зрела за голема историска пресвртница и промена. Ревизор е, како што велел и самиот Гогољ, огледало на грдата руска стварност.