Синиот велосипед

Романот за деца и млади Синиот велосипед претставува преработена и дополнета верзија на Тоа лето Шеесет и трето. Една ваква постапка на преработка и на дополнување сама по себе, е вистинска реткост во нашата практика. Синиот велосипед сама по себе е неповторлива книга за најубавиот, нежен и вечно миризлив цвет што цел живот како амајлија секој човек го носи во/со себе. Кога пишува за младата читателска публика Попов неа ја прифаќа како рамноправен партнер за дијалог и за акција. Едноставно кажано станува збор за летопис на детството кој со интерес се чита се препрочитува како чудесна приказна и за деца и за возрасни.