Гласот на учителот

Калил Џибран, големиот филозоф, поет и сликар е роден во 1883 година во Либан. Еден е од најчитаните автори на дваесеттиот век, автор кој подеднакво ги фасцинира припадниците на двете култури – западната и источната. Од неговите дела со силен магнетизам на бесмртност извира срцето на мистичниот Исток. Древните мудрости во форма на едноставна, но длабока филозофија на животот со фасцинантна вонвременост се доближени на актуелните човечки проблеми. Неговиот стил е близок до Викторијанскиот лирицизам од струјата која инклинира кон Данте и Гете. Неговиот лирицизам во исто време е груб и нежен, застрашувачки  и смирувачки, радосен и погребен, тивок и драматичен, неспоредлив и оригинален во прозата и поезијата. “Пророкот”, според голем број негови познавачи, е неговото најмоќно и најмногу мистично дело. Напишано е во 1926 година, неколку години пред неговата смрт.