Гоце Делчев

Во богатото и разнородно книжевно дело за деца и млади на Ванчо Николески, по неговиот знак на препознавање „Волшебното самарче“, секако и романот „Гоце Делчев“ е во редот на оние негови дела по кои ќе го познаваме и помниме.Во него авторот ѝ се враќа на својата омилена тема, македонската национална историја, односно на еден од најголемите нејзини непокорни синови, Гоце Делчев.Во овој роман за македонската легенда, Ванчо Николески го проследува детството и младоста, школувањето и вклучувањето во организираната борба на македонскиот народ за изборување на сопствените национални и социјални права и слободи, за создавање на своја сопствена држава, сè до трагичната погибија.Да се пишува дело за историска личност, уште повеќе за личност која прераснала во легенда, не е ни малку лесна задача! На тој предизвик писателот Ванчо Николески одговара едноставно и мудро, како што тоа само нему му е својствено без да му се одземе, уште повеќе било што да му се додаде на Делчев, на неговата личност и дело.