Том Соер

Марк Твен (1835-1910) е еден од најистакнатите американски писатели. Во неговите дела остварил висока скала на чувства и мисли, од полна животна радост до целосна безнадежност. Детството го поминал на бреговите на реката Мисисипи, а во младешките години заминува во потрага по злато во Калифорнија и на долги патувања низ Средниот Исток и Европа. Променил многу професии и живеел живот исполнет со авантури, но во неговите последни трудови може да се забележи присуство на песимизам поради смртта на своите жена и ќерка.
Во 1907 година му е врачен почесен докторат на Универзитетот Оксфорд. Кога починал ја оставил незавршена автобиографијата, која дополнително ја подготвила и ја објавила неговата секретарка Албер Биглоу Пеин во 1924 година.
Негови познати дела се: „Том Соер“ (1876), „Принцот и просјакот“ (1882), „Животот на Мисисипи“ (1833), „Авантурите на Хаклбери Фин“ (1884), „Јенки во дворецот на кралот Артур“ (1889) и други.